Limba Sarda

Su Nuraxi de Barùmini conchistat sa Fiera de sos biàgios culturales in Amburgo

  ITA      SRD

Barumini---Amburgo-2

AMBURGO. Sos iscusòrgios de Barùmini cun sos giassos archeològicos e culturales suos ispantant sa Germaània e Firentze. Agradèssidas noas pro su giassu Unesco de Su Nuraxi, pro sa Casa Zapata istòrica e pro sos repertos chistidos in intro de issa, arribende dae amburgo cun sa galabera de pùblicu chi b’est istadu pro sa Fondazione Barumini sistema cultura in sa fiera de Kultur Reisemesse. Sos matessi parabenes finas in Firentze ue Barùmini s’est cunfirmadu protagonista in sa de ses editziones de TurismA, su salone internatzionale de s’archeologia e de sos benes culturales chi est unu de sos atòbios prus de importu dae su ghetu internatzionale e europeu pro su turismu de su setore.

SOS ATÒBIOS. Satapa in terra tedesca fiat sa de tres e s’ùrtima de su caminu longu postu in campu cun  “NUHAR 3D: dae su cartulàriu a sa realidade” chi in sos meses colados at permìtidu a sa Fondazione Barumini de lòmpere finas in Londra e Colmar in Frantza, pro fàghere connòschere in totu Europa su mègius istòricu-culturale. Su progetu at postu in mustra in Germànis sos giassos e sos repertos de Barùmini e de su territòriu in unu ghetu annoadore, pro more de reprodutziones gàficas, vìdeos e recostrutziones 3D. A s’acabu de sa fiera sa Fondazione est istada protagonista, semper in Amburgo, finas de sa faina ammaniada dae sa sede de su logu de su Istituto Italiano di Cultura.

Su TurismA at serradu, intamas, su primu chircu de atòbios in foras de s’ìsula aparitzadu  dae sa Fondazione pro custa cantigheddu de 2020. Una manera de leare parte comomai afortiada pro s’atopu natzionale prus de importu pro su tursimu archeològicu e culturale chi at sortidu torra amantiosos e turistas cun istudiosos e operdores de su setore pro sa promotzione de sas bellesas italianas.

LILLIU (SÌNDIGU DE BARÙMINI E PRESIDENTE FONDAZIONE). “Cussas de Amburgo e de Firentze sunt istadas àteras duas ocasione de giudu pro mustrare a su pùblicu natzionale e internatzionale s’oferta culturale chi Barùmini, cun su traballu de sa Fondazione, de s’amministratzione comunale e de sa comunidade nostra, at ischidu fraigare annu cun annu – marcat su sìndigu de Barùmini e presidente de sa Fondazione, Emanuele Lilliu – una barigada de importu pro sighire in su traballu de afortiamentu de sas bènnidas turìsticas chi bi sunt giai e su fràigu de àteros noos, isparghinende in su mundu s’immàgine pris sìnchera de sa Sardigna a cuncordu cun su sestu aparitzadu dae sa Regione e cun sas punnas chi at chèrfidu su Presidente, Christian Solinas”.

 

contributo regione sardegna sito.jpg