CASTEDDU:Cumentzat su contu a s’imbessede sa prima campanella, su 22 de cabudanni. In Sardigna si contant 212.492 iscritos, 7.704 sunt disàbiles. Sos insegnantes de sustennu assinnados sunt 6.100. Ant a èssere belle 11mìgia sas classes (10.805).

Pro sa prima borta, nointamas sa pandemia in cursu, sos istudentes cun disabilidade ant a intrare in àula paris a sos cumpàngios issoro. “Amus traballadu meda pro otènnere custu resurtu, finas in Mesaustu” narat Francesca Palmas, chi faghet parte de sa Consulta Osservatòtiu, pro s’inclusione iscolàstica de su Ministeru de s’Istrutzione francu istrobbos de s’ùrtima ora, is istudentes disàbiles no ant a trantzire s’intrada issoro a iscola”.

Comomai dae annos meda is istudentes de sustennu arribbant semper prus tardu: istesiada e intrada cun mascaredda. E duncas finas trastes noos. “ Sos istudentes disàbils si sunt allenados, narat Palmas, “siat in famìlia chi in is centros istadiales, pro chie los at frecuentados”.

Sas timorias arribant dae is famìlia e assòtzios: sa distàntzia de seguresa is pipios? Ant a aguantare is dispositivos de amparu personale? Dudas legìtimas , narat Palmas, s’incapas crescat su nùmeru de is contàgios, chi at a ispìnghere sas famìlias a lassare in domo a fìgios issoro: isperemus chi custu no acuntessat, bi depimus proare.