CASTEDDU. “Bastu cun s’àndala de sos migrantes Algeria-Sardigna”. Lu pedit torra su deputadu Ugo Cappellacci (FI), cun una interpellàntzia fata a su Guvernu Conte ue si mentovant sos isbarcos reghentes de clandestinos in s’ìsula: sunt istados prus de 40 migrantes arribados in sa costera de su Sulcis in pagas oras, totus tramudados a su centru de Muristenis. Dae annos – marcat Cappellacci – semus pedende chi su guvernu fatzat sessare custa cosa chi non tenet nudda de umanitàriu e chi est unu tràficu sena coro de persones e est unu periìgulu pro sa seguresa natzionale siat pro Frontex siat pro sos servìtzios segretos nostros. Mentras sos italianos ant barigadu petzi su liminàrgiu a pustis inseerrados in domo issoro, torrant cun mala trassa sos arribos dae s’Algeria”

“Unu tràficu sena capia e compudadas”, narat su coordinadore asulu in Sardigna, “chi arriscat finas de nde burrare sos isfortzos fatos dae totus cando ant serratu totu e s’ispera de un’ìsula chi in custas dies non sinnat contàgios internos e chi bolet essire luego dae sa pandemia, faghende pro una borta sa cunditzione geogràfica sua unu vantàgiu e non prus sa cajone de una diferèntzia.Si depet traballare pro torrare a abèrrere sas aziendas, non sas “fàbricas de s’immigratzione”. Non si podet bagiulare chi su matessi guvernu chi est mantenende serradas sas iscolas, e chi ancora no assegurat carchi cosa pro s’annu iscolàsticu chi intrat, abèrgiat sas làcanas natzionales, incoragende finas a arribare cun sanatòrias. Semus istracos de ministros chi pranghent e faghent prànghere – at serradu Cappellacci – si firmet luego cut’àndala de immigratzione clandestina cara a s’ìsula nostra.