In Sardegna i contagi sono 107
CASTEDDU. “So torrada in Sardigna su 6 de martzu. Fia in Bèrgamo, ue so traballende. Arribada a domo m’est bènnida sa frea, anosmia e àteros sìntomos chi torrant a su contàgiu de coronavirus. Apo mutidu totu sos nùmeros de emergèntzia de Sardigna, ischint totu: proite non m’ant fatu su tampone?”. A lu pedire est una avocatessa, sarda, dipendente de un’ente pùblicu in sa tzitade lombarda. Ma cando est ghirada, deretu postas sas mesuras de amparu – natzionales e regionales – s’est posta in barantena. In domo in Casteddu, a sa sola, cun maridu e fìgios tramudados. At ischidu chi unos cantos collegas suos, in Bèrgamo, sunt resurtados positivos a su contàgiu. Gasi cando at ischidu chi li fiat bènnida sa frea, e cussu brusiore a gùturu, at fatu su dovere suo: at informadu sas autoridades sanitàrias. Prus de una borta. Como est in compudada ativa, la cuntatant a fitianu. “Imoe paret chi sos sìntomos nche sunt colados. Ma est petzi unu pessu meu. Chenàbura, respetende sos lìites apostivigados, apo a pòdere essire”, contat. E si pedit:” e si essere portadora de su virus? In teoria dia pòdere andare a agatare a mama mea, e la contagiare. L’apo preguntadu prus de una borta, ma nemos est bènnidu a mi fàghere su tampone. Proite?, est sa pregunta sena imposta.
