CASTEDDU. "Su Presidente e sa giunta sua si pòngiant a traballare, oòngiant a banda sas fainas mediàticas e pensent a comente istare a costàgios de sos sìndigos e de su personale sanitàriu impinnados dae meses in prima lìnia, chi dae tempus pedint fainas seguras e su sustennu de sa Regione”. Sos consigeris regionales de sos Progressisti sicant su guvernu regionale, a pagas oras dae sa nova chi su Tar at cunfirmadu sa suspensione de s’ordinàntzia de s’11 de cabudanni (INOGHE SA NOVA). 

Su grupu de opositzione esordit pensende chi “si intamas de sighire a pònnere in fatu a solutziones chi non si podent fàghere su Presidente de sa Regione aeret postu su tempus suo in fainas cuncretas pro parare fronte a sa crèschida de sos contàgios, diamus èssere oe  a tretu de gestire mègius sa segunda aundada de Covid-19 chi, comente prevìdidu dae tempus, est ponende pee in totu sa Sardigna”.

Intamas, narant sos Progressisti, non b’est istada peruna atzione “ a sustennu de sas comunidades chi in sos territòrios parant fronte a solos s’ismanniada de sos casos, perunu impinny pro megiorare s’organizatzione de su screening, nudda pro ismenguare sos tempos de isbetu pro fàghere sos tampones in antis – finas pro chie presentat sìntomos – e pro sos èsitos posca, pagas novas bonas subra sos vacinos antinfluentzales chi diant dèpere oòdere agiudare a distìnghere sos sìntomos de sa influèntzia clàssica dae cussos de su Covid, illebiende meda sa pressione subra de sas istruturas sanitàrias”.

In s’interis, ant postu pro su 18 de santandria sa setziada de su Consìgiu regionale pro arresonare de sas motziones subra s’emergèntzia de sas motziones subra s’emergèntzia Covid.