Limba Sarda

"S'Eni pronta a lassare Macchiareddu": sa denùntzia in consìgiu regionale

  ITA      SRD

Macchiareddu

 

 

CASTEDDU. Est acanta de si nde andare dae Macchiareddu “ pro mèdiu de sa bèndida de sos privados de su ramu de s’azienda Coloro Soda (dae banda de sa cuntrollada Conti Vecchi”. S’allarme lu dat su consigeri regionale de sos Riformatori Michele Cossa, chi pedit 2 una ,esa de arresonu urgente cun sa sotziedade “ in unu mamentu istòricu cumplicadu comente a cussu de como pro sas famìlias sardas e a in antis a su bisòngiu de amparare sos livellos ocupatzionales. Pro Cossa, chi at presentadu una interrogatzione indiritzada a su presidente de sa Regione Christian Solinas, a s’assessora a su traballu Alessandra Zedda e a cussa a s’Indùstria Anita Pili, sa lassada de Macchiareddu sonat che a una derruta chi arriscat de nòghere su tessìngiu indistriale sardu”.

Su consigeri ammentat comente giai in su 2015 Eni apat lassadu s’indùstria chìmica de su polu de Sarroch amparende intamas sas produtziones chi bi fiant de su restu de sa penìsula italiana e comente in sos ùrtimos annos apat annuntziadu o inghitzadu progetos “cun sa punna crara de afortiare sas produtziones chi giai bi fiant finas cun s’impinnu de resursas noas, ma chi non nd’at sighidu su potentziamentu in su territòriu. A sas allegas ant sighidu sas fainas – narat Cossa – Est ladinu chi est mancada sa voluntade de fàghere sa cosa si oe Eni at comintzadu arresonos cun prus operadores privados de su setore pro chistionare de sa cessione de su ramu de s’azienda Cloro Soda e Asset ponile cun sa punna de si nde andare e lassare sas produtziones de su giassu de Assèmini. S’operatzione dismissione ( o cessione a un’àteru privadu) ponet dudas pro sos belle 90 traballadores diretos e 230 indiretos”.

 

contributo regione sardegna sito.jpg