CASTEDDU. A terra sos opinos perigulosos in Arburada de Trieste. E s’opositzione atacat :” Diat pàrrere chi su sèberu de nche ghetare sos àrbores l’apant leada l’apant leadu a pustis de sa redatzione de su pianu de seguresa de su birde (Visual tree analysis) fatos dae sa ATI Santamaria – Imera chi prus de un’annu a como at tentu s’incàrrigu pro unu monitoràgiu e ammaniadu una lista de àrbores chi arriscant de nde rùere in tzitade”.narant Camilla Soru (Pd) e Francesca Mulas (Progressisti), “ amus pedidu sos documentos a pustis d unu primu eja nos ant torradu nono”.
Forsis ca cras, pròpriu subra su tema de sa manutentzion in Casteddu, b’at un cunferèntzia de imprenta de s’assessora Paola Piroddi”S’istrumèntu ùnicu chi oe abarrat pro chircare de cumprèndere ite est acuntessende a su birde tzitadinu”, sighint sas consigeras, “ est a presentare una interrogatzione urgente, cumpartzida cun totu su centrumanca, chi su sìndigu e sos consigeris ant a dèpere torrare isceda a in antis de su Consìgiu. S’amministratzione duncas isciùsciat su birde tzitadinu a de note, sena mancu cunsentire a sos consigeriis de nde arresonare e tènnere acessu a sa documentatzione tècnica e sena dare sas informatziones chi li tocat a sa tzitadinàntzia. Est ladinu chi sa minoria pensat chi sos consigeris e tzitadinos podet petzi castiare s’isciùsciu de unu de sos sìmbulos de sa tzitade.