CASTEDDU. Prus tempus a disponimentu de sas impresas pro presentaremsas dimandas ativadas dae sa Regione in collaboratzione cun sa Banca Europea de sos investimentos. A l’annuntziare est istaddu su Presidente de sa Regione Christian Solinas.
 
Semus istados intre sos primos in Itàlia, narat su Presidente, “a intervènnere cun duos istrumentos finantziàrios abertu finas a sos autònomos cun partitas IVA e chi previdit prèstidos a tassu zero finas a 800 mìgia èuros e a tassu agevoladu finas a 5 milliones de èuros. Unu interventu mannu, pro su sustennu e s’istrantagiada de su tessutu econòmicu nostru”.
 
Su valore de s’istrumentu impitadu finas dae s’Assessore a su Bilànciu e Programmatzione, Giuseppe Fasolino: “amus ammaniadu unu istrumentu istraordinàriu pro colare custu mamentu ispantosu, una “autostrada” mera e sìnchera de su crèditu pro dare a sas aziendas s’impèllida chi sèrbit a barigare custu mamentu e parare fronte a custu desafiu de s’istrantagiada.. Est una faina ch at fatu isbetare neda e cgerimus satisfare una procedura lestra, atziva, e adata a dre respostas a su prus de sa gente.Semus intervènnidos ca amus bidu su bisòngiu, marcat Fasolino “chi sa banca chi at a contivigiare s’istrutòria e acraret custa precisende mègius sa modulìstica e sa manera de acessu a su dinare, adatendelu a su chi est prevìdidu in su bandu pro sos bisòngios de lestresa de sa procedura”.
Pro bi leare parte bastat a presenrare sa dimanda mentras sos allegados chi los pertocat s’ant a pedire in s’inghitzu de sa fase istrutòria. Sa presentatzione de sa documentatzione paris a s’inviu de su mòdulu de dimanda, no est duncas obligatòria ma cunsentit de inghitzare sa fase imbeniente. Custa, marcat s’esponente de sa Giunta Solinas, est un oportunidade manna, chi tenet unu significu prus mannu prus de sa chistione econòmica. Nos sapimus chi su desafiu fitianu de cada sìngula impresa siat parte de custu desafiu de totus chi pertocat totu sa Sardigna pro si nde torrare a si nde pesare dae sass cunsighèntzias de sa pandemia. Semus acante a sa Sardigna chi produet e chi cun suore e traballu e coràgiu parat fronte a custu mamentu: Pro custu sa nostra est una mobilitatzione fitiana, semus a costados de sas impresas pro totu sos acrarimentos e semus ammaniende unos cantos weibinar, in collaboratzione cun su Bei pro ghiare passu cun passu, sas aziendas interessadas”.