CASTEDDU. B’at chie si nch’est isertu dae domo sua pro cùrrere o pro passigiare. Ma finas chie est essidu a chirchare cardullinu e, finas, chie at contadu chi fiat andende a nche regollire unu sirbone investidu dae sa vetura. Sunt sas iscusas chi in Sardigna nch’ant batidu a sa denùntzia dae banda de su Corpus forestale pro violatzione de sos disponimentos postos pro firmare s’epidemia de coronavirus. Dae su primu de martzu bi sunt istadas 14 mìgia compudadas, 1080 petzi eris: 292 in sa leada de Casteddu, 70 de Igrèsias, 64 de Aristanis, 270 de Tàtari, 105 de Tèmpiu, 172 de Nùgoro, 107 de Lanusè. Ant santzionadu a 21 persones (7 in Casteddu, 7 in Igrèsias, 4 in Nùgoro, 2 in Tàtari, 1 in Tèmpiu), in totu (dae su 14 de martzu) 195.

Oe in Otieri ant firmadu a duos pitzinnos in vetura chi a primas non si sunt firmados a s’alt in su postu de blocu. Gasi, sos forestales si sunt abbigiados chi unu guidaiat sena patente e chi sa màchina, deretu secuestrada, non fiat assegurada. Pro sos duos pitzocos at a mòere sa denùntzia.