CASTEDDU. Sunt che pare a 8 milliones e 890 mìgia èuros sas resursas annantas in favore de sa mesura “contoniare a domo” e de sos pianos personalizados pro sa disabilidade prevìdidos dae sa Lege 162 de su 1998 chi ant buscadu in s’assestamentu de bilàntziu aprovadu dae su Consìgiu regionale e chi bi sunt in unu emendamentu propostu dae sa Giunta.

“Mancari chi cun bisòngiu de torrare imposta a lestru pro parare fronte a su Covid”, declarat su Presidente Christian Solinas, “no amus ismentigadu o postu a un’ala sas persones dèbiles e sas famìlias issoro”. “Sa Regione”, sighit su Presidente, “ponet cada annu 231 milliones de èuros pro su Fundu pro sa no autosuficèntzia, una dotatzione chi, pro sa primu borta, amus chèrfidu de fàghere pluriennale dende autorizatzione in antètzipu de su dinare pro una programmatzione mègius e agiudare sos Comunes de su territòriu nostru, finas cun sos òmbitos Plus e s’agiudu de us sistema sanitàriu regionale, in sa gestione de ustas mesuras de importu e buschende sos chi nde depent gosare in intro de sas comunidades issoro”.

Unu sinnale bonu pro chie sufrit pro neghe de disabilidades graes”, narat s’assessore regionale a sa Sanidade, Mario Nieddu. “Oe in Sardigna”, ponet a craru s’assessore, “bi sunt belle 3.600 persones insertadas in su programma Contoniare a Domo,pro su sustennu a s’assistèntzia domiciliare de sas persones no autosuficentes. Una gradu mesura, mesche como chi bat s’emergèntzia sanitària. Sunt intamas belle 40 mìgia so spianos personalizados assistentziales inghitzados cun sa lege 162 in favore de sas persones chi tenent disabilidade grae. In prus de sos belle 9 milliones de èuros agatados in s’assestamentu de bilàntziu amus prevìdidu àteru dinare pro 2,5 milliones de èuros