LÙVULA. Como a lu certificare b’at finas su resurtu de unu istùdiu de primore: sa miniera de Sos Enattos, in Lùvula, est su giassu mègius pro pònnere su Einstein Telescope, osservatòriu de undas gravitatzionales de sa de tres generatziones a tretu de abbiaidare sos processos còsmicos cun una sensibilidade mai bida in antis. Es a nàrrere, sa tecnologia prus adelantada pro asscurtare sa boghe de s’universu. Unu grupu multidisciplinare de chircadores de su Istituto Nazionale di Geofisica e Vulcanologia (INGV), Istituto Nazionale di Fisica Nucleare (INFN) e de s’Universidade de sos Istùdios de Tàtari, at compudadu sa miniera e cun s’agiudu de s’Igea l’ant candidada a ospitare s’osservatòriu ue b’at a èssere unu finantziamentu de belle unu miliardu de èuros.
I risultati “A Seismological Study of the Sos Enattos Area - the Sardinia Candidate Site for the Einstein Telescope” sono stati appena pubblicati sulla rivista internazionale Seismological Research Letters. Einstein Telescope (ET) sarà uno strumento ad altissima sensibilità che contribuirà in modo decisivo a migliorare la nostra conoscenza dell’universo e dei processi fisici che lo governano. Per questo sarà in grado di svolgere un ruolo chiave a livello mondiale nell’attività di ricerca nel campo delle onde gravitazionali, dal punto di vista sia scientifico sia infrastrutturale.
Sos resurtos “A Seismological Study of the Sos Enattos Area - the Sardinia Candidate Site for the Einstein Telescope” los ant publicados dae pagu in sa revista internatzionale Seismological Research Letters. Einstein Telescope (ET). Sa circa est cunsiderada dae sa comunidade iscientìfica europea unu progetu de importu e bi leant parte paritzos Paisos. “S’istùdiu de sas undas gravitatzionales”, narat Luca Naticchioni, chircadore de su INFN, “est de importu mannu ca serbit a cumprèndere sos fenòmenos còsmicos comente a sa fusione de sistemas binàrios de istampos nieddos e de isteddos de neutrones, pro cumprendere gasi s’evolutzione de s’Universu. Custos fenòmenos chi acuntessent a tesu meda, cajonant perturbatziones in su “tessìngiu” de s’ispatziotempus chi si podent castiare dae terra cun sa interferometria laser cun rilevadores sensìbiles e cumplessos meda.
“A pustis”, annanghet Domenico D’Urso de s’Universidade de Tàtari, “ s’at a piessinnare sutaterra su giassu ca su rilevadore gasi mannu est fatu dae unu grùstiu de gallerias postas a triàngulu chi ant a ospitare sos interferòmetros laser de precisione ispantosa. Custu pro cumprendere comente ammaniare sas gallerias, buschende sos logos de sonos de istrobbu e abrandare sos efetos issoro”.
“Prevedimus in fines”, serat Gilberto Saccoroti de su INGV, “s’installatzione de paritzos sismòmetros chi, funtzionende che a una antenna, ant a pemìtere de mesurare sas diretziones de isparghinada de sas undas elàsticas chi sunt su sonu sìsmicu, pro cumprèndere mègius sos fenòmenos chi lu cajonant. Sa collaboratzione intre totu custos Entes donat ispera bona pro sa resessida, dende traste finas pro sa compudada sìsmica de s’INGV in totu su teritòriu natzionale”.
