CASTEDDU. Sa Regione no at a andare a s’atòbiu ammaniadu dae su Mise pro chistionare de s’intregu de sa parte industrale de Clorosoda dae banda de Eni in Assèmini. Su sèberu l’ant fatu ca non bi fiat disponibilidade de Eni a torrare a arresonare sa tzèdida de s’istabilimentu de Assèmini. Unu cumportamentu de pagu respetu, marcat s’assessora a s’indùstria, Anita Pili, chi non torrat cun su tratamentu dae banda de su guvernu cun s’istitutzione regionale.

S’atòbiu de oe, sighit s’assessora Pili “est torra una proa de nche leare a sa comunidade sarda sa possibilidade de programmare s’isvilupu industriale suo. Eni sighit a non mantènnere sos impinnos chi s’at leadu cun su territòriu regionale pro mèdiu de protocollos e acordos sutaiscritos comomai medas annos a como. Bastat a ammentare, sighit s’assessora, sa no acumprida de Eni e de sos partner suos subra sa Chìmica Birde in Portu Turre, ue sos investimentos sunt firmos siat comende afidabilidade de sas primas produtziones fatas chi pro s’acumprida de su ciclu industriale prevìdidu. Oe chi est oe s’annanghet in manera galu prus ladina, su semper prus pagu interessu de istantargiada produtiva de sa filera integrada dae su pàstinu de su sale a sas produtziones de sos impiantos cloro-soda derivados de Machiareddu”

Sa Regione si leghet in una punta de billete, “custa borta no at a permìtere a àteras partes foranas de istorbare sas posibilidades benidoras de isvilupu industriale de s’ìsula. At a essere in sas dies chi intrant su presidente de sa Regione a torrare a cumentzare unu arresonu nou cun sas ghias de Eni subra su positzionamentu de sa sotziedade in s’ìsula”.