CASTEDDU. Pedint de mustrare a craru e sas maneras de sa gara de apaltu fata dae sa Regione pro sos dispositivos mèigos sos consigeris de opositzione de su grupu Progressisti, chi ant presentadu un’interrogatzione in su Consìgiu regionale. Sa gara, fata de urgèntzia su 24 de tìulas pro sa frunidura de mascareddas e guantes de dare a sos ospidales de sa Sardigna, est suta:
sunt difererntes sos elemenros ogetu de s’interrogatzione regionale, primu firmatàriu Francesco Agus, subra s’apaltu dae prus de 36 milliones pro sa frunidura a sas aziendas sanitàrias.
A su primu puntu de s’interrogatzione bi sunt sas preguntas subra sa lestresa de sa gara “Su presidente de sa Regione e s’Assessore a sa sanidade ant a dèpere acrarire – iscrient sps Progressisti – si sas aziendas sanitàrias, in sas rechesstas trasmìtidas a sa Centrale de Commitèntzia apant prevìdidu e postu in contu sa possibilidade de una segunda aundada de sa pandemia: est a nàrrere si siat garantida a lestru sa disponibilidade immediada de unu nùmeru bastante de dispositivos de protetzione chi serbint pro sa seguresa de totu su personale impitadu in sas istruturas sanitàrias pùblicas”.
“ De acrarire posca – sighint sos consigeris de oposiztione – si sa procedura de gara e s’atividade cunsighente de sas aziendas sanitàrias chi ant pedidu sa frunidura de materiale siant cunformes a sa disciplina regionale in matèria de apaltos aprovada in freàrgiu 2019 dae sa Giunta regionale pro totu su Sistema regione, e mescamente, si sas aziendas sanitàrias apant nominadu sos sugetos chi ant a averiguare si torrant sos contso intre su materiale sanitàriu indicadu in su bandu e cussu dadu dae sos apaltadores, sena sos cales non s’at a pòdere dare guantes, càmices e viseras a su personale inmpinnadu in sas corsias de sos ospidales”.
Finas a custas figuras est acapiadu su fundu pro sos incentivos prevìdidu dae sa gara, che pare a prus de 545 mìgia èuros: sos Progressisti pedint duncas “cale siat sa cuota destinada a su personale de sa Centrale regionale de Commitèntzia e cales siant prus a notu sos importos prevìdidos pro cada una de sas figuras tècnicas chi sunt pressentes in sa gara de apaltu”. In prus, sighint, no est craru cale siat sa cuota de su funsu incentivos destinada a sas aziendas sanitàrias chi, sena regulamentos internos, ighende su chi at apostivigadu sa disciplina regionale, diant pòdere gosare de resursas de importu sena las pòdere impitare pro su personale suo.
