CASTEDDU. Sos tzitadinos sardos tenent su diritu de otènnere su metano a unu prètziu aguale a cussu aplicadu a su restu de s’ìsula dae su restu de Itàlia, in prus de infrastruturas a tretu de fàghere competitivas sas impresas sardas”. Est su chi nrat s’assessora regionale de s’Indùstria, Anita Pili, chi eris, i s’iteris de un’atòbiu in videoconferentza deAgentzia Indùstria, at ammentadu su bisòngiu chi sa Regione, a cuncordu cun sas partes datoriales e organiztziones sindacales, la cunsideret finas su Guvernu in sa partida acapiada a s’energia.

Sas propostas emendativas provadas in Cunferèntzia Unificada Istadu Regione, las ant trasmìtidas a sas commissiones cumpetentes de su Senadu ue s’isbetaiat s’arresonu pro sa conversione in lege. “Comente giai bidu dae su Presidente de sa Regione, Christian Solinas, in s’interis de sas Commisiones de su Senadu, su Guvernu, e mescamente su Ministeru de s’Isvilùpu Econòmicu, no at ascurtadu su chi amus pedidu”.

“Sa Regione Sardigna denùntziat cun fortza custa ghelea istitututzionle – serrat s’assessore – galu de prus subra su tema comente a cussu energèticu de sa Sardigna, demustrende siat chi s’idrògeno luego at a tènnere unu ruolu de echilìbriu in custu sistema, siat chi sas centrales sardas torradas a cunvertire in gas naturale sunt una parte de importu de su sistema energèticu natzionale.