CASTEDDU.Finas sos autotrasportadores de Confartigianato Trasporti Sardegna ghetant s’allarme pro aumentos dàbiles luego de su gasòliu. Dae unas cantas chidas, difatis, si connoschent sas propostas de lege de su Ministeru de s’Ambiente chi punant a nche mòere abellu abellu, sos sussìdios subra custu carburante cunsideradu “dannosu a manera ambientale”, “torrende a alliniare abellu abellu sas alìcuotas de acisa de benzina e gasòliu cumentzende dae su 1 de ghennàrgiu 2021.

Diat èssere un’àtera ghelea de sas tassas – cummentant dae Confartigianato Trasporti Sardegna -  a bias cuada cun iscusas ambientales, chi non si nde cumprendet su cabu, a dannu de sas impresas e sa logìstica.
Cunforma a sa benzina, su gasòliu (pro more de sa crèschida de s’atzivesa de sos motores suos)permitit de fàghere prus chilòmètros cun unu litru e faghet prus pagas emissiones de CO2.
“Una transitzione green pro non lassare a palas a nemos, pro mentovare galu una borta sos faeddos de su Ministru Costa no at a pòdere èssere persighida sighende a leare sena critèriu dae sas bugiacas de sos tzitadinos.
Pro sos autotrasportadores si si cheret iemenguare s’impronta ecològica de sos carburantes, tocat de dare oportunidades cuncretas de megioru de sa calidade ambientale e de su tenore de vida de sas persones.