CASTEDDU. “Sa Regione Sardigna at chèrfidu de impitare sa Mesura 21 de su Psr, pro su sustennu a sas aziendas agriturìsticas prus corfidas dae s’emergèntzia Covid, petzi pro sas impresas, sas fatorias didàticas e cussas de s’agricoltura sotziale a s’imbesse dae àteras regiones chi cun sa mesura 21 ant buscadu finas àteros setores de s’agricoltura. Sa Sardigna at seberadu cun sa lege 22 de su 2020 de incarrerare in un’àndala noa ue bi sunt sa diferentziatzione de sos agiudos cun s’stivatzione de unos cantos interventos, a norma de su cuadru normativu in vigèntzia in matèria de agiudos de Istadu, pro prus de 38 milliones in totu. Lu ponet a crau s’assessore regionale de s’Agricoltura, Gabriella Murgia, cummentende d’istadu de atuatzione de sa mesura noa de su Programma de isvilupu rurale introduida dae sa Commissione Ue.

Dae sos agiudos istrinados in intro de sa Mesura 21 – in totu 4 milliones de èuros de sos cales 2 predidos dae s’artìculu 28 de sa lege 22 de su 2020 e 2 buscados cun sa rimodulatzione d su pianu finantziàriu de su programma – los ant orientados a garantire unu sustennu de emergèntzia a sos agricoltores e a sas minores e mèdias impresas corfidos dae sa crisi pro assegurare continuidade de sas fainas econòmicas issoro. Su sustennu est istrinadu in forma forfetària de versare intro de su 30 de làpadas 2021, cunforma a sas dimandas de sustennu aprovadas intro su mese de idasS’importu màssimu de su sustennu non podet èssere prus artu de 7 mìgia èuros pro sas impresas de sa produtzione primària e a 50 mìgia èuros pro sas impresas agroalimentres.minores o mèdias.