ROMA. "Su documentu de su comitadu tècnicu-iscientìficu subra sas iscolas l’ant a iscumproare cunforma a s’andanta epidemiològiaca” Gosi sa ministra de s’Istrutzione Lucia Azzolina in s’atòbiu subra s’iscola chi ant fatu in Palazzo Chigi. Sa ministra at annantu,a su chi s’iscit, chi est avalorende finas sa possibilidade de “ischirriare sos bancos cun partzidores pro assegurare prus seguresa”. In prus de sas mascareddas “s’ant a pòdere impitare sas biseras pro istransire sos problemas de alenu o pro sos pipios ipoacùsicos” Luegos “lìnias ghia pro cabidanni”. Est a nàrrere, pro torrare a iscola in Itàlia si pensat a su modellu cinesu.