CASTEDDU. Eleta cun sa Lega, colat a sos Riformatori: càmbiu de casaca in consìgiu regionale pro Sara Canu chi andat a ismanniare sa truma giai cumposta dae Aldo Salaris, Michele Cossa, Alfonso Marras e Giovanni Antonio Satta. 

"Est unu motivu de orgòlliu chi una collega preparada e istimada comente a Sara Canu apat seberadu comente domo noa polìtica sos Riformatori Sardi. So seguru chi dae custu mamentu a in antis inghitzet pro totu nois una caminera cumpartzida de sèberos, anàlisi e arresonu chi at a batire resurtos de importu”, est su cummentu de su coordinadore regionale Aldo Salaris.