Limba Sarda

Tonnaras, apicolturas e allevamentu mìtiles: unu millione e mesu pro sas impresas micro, minores e mèdias

  ITA      SRD

apicoltura

 

 

CASTEDDU. Unu millione e mezu de èuros pro sas impresas micro, minores e mèdias chi traballant in su setore de sas tunnaras, de s’allevamentu de sos mìtiles e de s’apicoltura.

Su provedimentu l’ant aprovadu a cuncordu cun s’assessora regionale de s’Agricultura, Gabriella Murgia. Pro onni genia de faina econòmica est prevìdidu un’importu de 500 mìgia èuros.

“Ocannu sos efetos negativos de sa crisi Covid in su mercadu e sos istrobbos climàticos ant corfidu setores de importu pro s’economia de sa Sardigna. Mescamente sas aziendas piticas, chi sunt sa majoria intre sos apicoltores, ant sunfridu meda su lockdown e sas cunsighèntzias de s’ismenguada de sas bèndidas. Su bandu chi inghitzamus est unu de sos istrumentos primàrios pro sustènnere su setore in su sinnu de sa calidade e de sa tipicidade de sa produtzione. At naradu gosi s’assessora regionale de su Traballu, Alessandra Zedda, subra sa publicatzione de su bandu.

“Sa rutòrgia de sos consums cajonadu dae sa serrada de sos ristorantes at postu in dificultade manna totu su setore de sa mitilicoltura e de sas tunnaras. A sustènnere sos produtores de su cumpartu e garantire su mantenimentu de sos livellos ocupatzionales resurtat èssere sa prioridade nostra”, congruet s’esponente de sa giunta Solinas.

Sa presentatzione de sas dimandas s’at a pòdere fàghere petzi impitende s’aplicativu postu a disponimentu dae sa Regione Autònoma de Sardigna in s’àmbitu de su Sistema Informativu de su Traballu e de s’Informatzione Professionale a s’indiritzu: www.sardegnalavoro.it, comintzende dae sas 9 de suu 22 de santugaine 2020 e intro de  e non prus tardu de sas oras 23.59 de su 12 de santandria 2020, pro cunsentire s’ammàniu de sos atos finalizados a sa cuncessisone de s’Agiudu (at a fàghere fede sa data de imbiu telemàticu certificada dae sa SIL).

 

contributo regione sardegna sito.jpg