CASTEDDU. Carchi die a oe pratza de su Pòpulu in Roma s’est prenada de valìgias bòidas, pro sa chèscia cajonada dae sa crisi mala de su setore de su turismu. Como sa manifestatzione lompet finas a Casteddu. Mèrcuris 10 de làmpadas sas agentzias de biàgiu de Sardigna ant a calare in pratza pro mustrare sas rechestas issoro a su guvernu: prus agiudos e interventos chi fatzant torrare a cumentzare su traballu de umu muntone de gente chi et patinde s’emergèntzia Covid. S’atòbiu est a sas 10 de mangianu, in pratza Santu Gòsomo. Sa chèscia est ammaniada dae su Comitadu indipendente sardu agentzias de biàgiu e turismu, cun su slogan subra totus: “Non amus a sessare de biagiare”.