Limba Sarda

"Màrmaru bond" pro sarvare su setore de sa perda in Sardigna: sa proposta in consìgiu regionale

  ITA      SRD

Marmo-uno

 

CASTEDDU. Dae annos sas aziendas chi traballant in su màrmaru e su granitu sunt colende una purrata de crisi manna, cajonada in parte dae una cuncurrèntzia chi arribat dae Paisos èsteros chi ponent in su mercadu unu produtu a prètziu prus bassu. Su bisòngiu de parare fronte cun urgèntzia, finas cun istrumentos emergentziales, est paradu in una interrogatzione, presentada unas cantas dies a como dae chimbe consigeris, Talanas, Lancioni, Satta, Cocciu e Cera, chi faghent parte de sos grupos de Forza Italia, Sardisti, e Riformatori.

Giai dae su mese de santandria 2019, totu su consìgiu regionale, cun sa giunta  esu presidente, proponiant mesuras econòmicas pro sustènnere de manera econòmica sas impresas de sa pedra. Intresas propostas leadas in cunsideru, cun su sustennu de s’assessore a sa Programmatzione, Giuseppe Fasolino e cussu de su Traballu Alessandra Zedda sos “màrmaru bond”, una casta de pegnu de su màrmaru e de su granitu chi, pro mèdiu de àteras asseguratziones regionales prestadas dae sa Sfirs e dae cunsòrtzios fidos, podiat asseegurare a sos imprendidores de su setore de tènnere unu antètzipu subra su produtu non bèndidu.

Talanas

“oe prus chi mai su cumpartu tenet bisòngiu de mesuras istraordinàrias”, si leghet in sa motzione presentada dae sos chimbe consigeris regionales, “bidu su ammentu de crisi istraordinària chi, in prus de pònnere in arriscu s’istabilidade econòmica de sas aziendas, faghet trèmere su mundu de sos traballadores acapiados a unu setore de importu de s’istòria industriale de sa Sardigna”.

 

contributo regione sardegna sito.jpg