CASTEDDU. Sas compudadas a sos tzitadinos cun drones sunt suspèndidas. A su mancu pro como. Lu narat su cabu de sa politzia Franco Gabrielli in una circulare destinada a sas prefeturas, a sos Cumandos generales de s’Arma de sos Carabineris e de sa Guàrdia de Finàntzia e a sas àteras articulatziones de sa Politzia de Istadu. Comente iscriet su Sole20Ore, s’alt e mòidu dae su Viminale e òrdinat a sos destinatàrios de “isbetare s’èsitu de sos aprofundimentos” in antis de sighire cun s’impreu de sos drones, in sos comunes italianos, pro compudare ispostamentos o sortidas de gente in su territòriu. Gabrielli difatis at inghitzadu un’arresonu cun s’Enac pro “una aplicatzione cumpartzida e curreta de sos istrumentos noos”.