CASTEDDU. Candidados cunvocados pro su 26 de austu, sa commissione chi los depe valutare nominada su 27. Paret bi siat unu bòidu temporale in su calendàriu chi at guvernadu sa procedura fata dae su Brotzu “pro sa mobilidade a caràtere regionale e interregionale, pro tìtulos e collòchiu, finalizada a sa cobertura de binti postos de infermieris”.

Su sèberu l’ant ammaniadu pro mju. E su 7 de austu is candidados, belle una chemtina, los ant cunvocados a grupos de trinta pro sos collòchios postos in sas tres dies: 26, 27 e 28 de austu. A los isbetare b’at sa commissione de valutazione. Chi peroe resurtat de manera formale nominada su 27 de austu, cun deliberatzione de su commissàriu istraordinàriu de s’agentzia, Paolo Cannas. Duncas, si sas datas de sos atos sunt giustas, cando su primu iscallione nche l’aiant giai intesu. Una nòmina chi at a tènnere balia retroativa? O, fortzis una faddina in su calendàriu.