CASTEDDU. Unu bisu? Unu giornale sardu. Pro como issa s'acuntentat de fàghere totu s'àteru: tv, tradutziones e finas sa ràdio. Gasi Maria Antonietta Piga, giornalista, nos contat sa passione sua, chi oe est unu traballu. Totu est nàschidu gràtzias a sa famìllia e sighidu cun s'istùdiu e cun s'impinnu, ca su sardu est e depet èssere una limba de impreare a fitianu, pro faeddare e iscrìere de totu.
