CAGLIARI. Su coronavirus at postu a sa proa sas siendas turìsticas. Non b'at seguresa peruna e non si podet programmare. Nde chistionamus cun Fabrizio Vella, imprendidore chi dae annos est traballende pro fàghere a connòschere unu de sos giassos prus bellos de Sardigna: Gorroppu. Solu s'annu coladu, paris a sos collaboradores suos at fatu lòmpere a custa prenda in su coro desu Supramonte prus de 30 mila turistas. Unu traballu de importu pro sos logos de sa Sardigna de intro. Ma s'istagione est cumintzada e at a èssere difìtzile meda pro medas impresas. Sos Comunes sunt provende a donare respostas: dae Casteddu a Terranoa, passende in Ollolai, b'at initziativas de importu.