CAGLIARI. Su Coronavirus est lòmpidu in unu tempus istòricu in su cale s'economia sarda fiat dèbile meda, b'ant a èssere consighèntzias graes meda e finas oportunidades. Amus chistionadu de su tempus benidore de s'editoria sarda e de sa limba cun unu apassionadu, Màuro Mura, chi dae prus de 20 anos traballat in sa domo de imprenta Domus de Janas.

Màuro animat sa rivista Làcanas, fundada dae Pàulu Pillonca, e cun isse at traballadu pro tempus meda paris. Pro Màuro su tempus benidore de sa limba e totu su chi l'inghìriat passat pro s'iscola, logu de ispainadura de sa connoschèntzia. Cun isse regordamus finas a Pàulu Pillonca.
Intames sa Sardigna chircat de nde bessire - cun unu pagu de trèulu e timoria - dae s'emergèntzia pro torrare a sa normalidade, mancari chi cun timoria pro sa crisi econòmica chi podet  lassare sa pandemia.